കാസര്‍കോട്: ഫാസിസത്തെ ചെറുക്കുന്നത് തങ്ങളാണെന്ന സി.പിണ്ടണ്ട.എം വാദം പൊള്ളയാണെന്ന് എന്‍മകജെ പഞ്ചായത്ത് പ്രസിഡന്റ് സ്ഥാനത്തേക്കുള്ള  വോട്ടെടുപ്പില്‍നിന്നു മാറിനിന്നതോടെ  വ്യക്തമായതായി യു.ഡി.എഫ് ജില്ലാ ചെയര്‍മാന്‍ എം.സി ഖമറുദ്ദീന്‍ പറഞ്ഞു.
കാറഡുക്കയിലെ ബി.ജെ.പി ഭരണം അവസാനിപ്പിക്കാന്‍  യു.ഡി.എഫ് സര്‍വപിന്തുണയും നല്‍കിയപ്പോള്‍ സി.പി.എമ്മിന് ഭരണത്തിലെത്താനായി. എന്നാല്‍ മാസം തികയും മുമ്പേ  എന്‍മകജെയില്‍ ബി.ജെ.പി ഭരണം അവസാനിപ്പിക്കാന്‍ സാധ്യത കൈവന്നപ്പോള്‍ ബി.ജെ.പിക്ക് അനുകൂലമാകുന്ന തരത്തില്‍ വോട്ടെടുപ്പില്‍നിന്നു വിട്ടുനില്‍ക്കുകയാണ് സി.പി.എം ചെയ്തത്. ഇത് ജനം തിരിച്ചറിയുമെന്നും അദ്ദേഹം പറഞ്ഞു.
എന്‍മകജെയില്‍ ഫാസിസ്റ്റ് വാഴ്ചയെ ചെറുക്കുന്ന കാര്യത്തില്‍ സി.പി.ഐ കാണിച്ച നിലപാടിനെയും സഹായത്തെയും അദ്ദേഹം അഭിനന്ദിച്ചു.