പള്ളിക്കര: പൂച്ചക്കാട് റൗളത്തുല്‍ ഊലും മദ്‌റസാ കമ്മിറ്റിയുടെ നേതൃത്വത്തില്‍ പുതുക്കി പണിയുന്ന വാണിജ്യ കെട്ടിടത്തിന്റെ നിര്‍മാണ പ്രവര്‍ത്തനത്തിന്റെ തുടക്കം കുറിക്കുന്നതിന്റെ ഭാഗമായി  മാണിയൂര്‍ അഹമ്മദ് മൗലവി ഇന്ന് 7.30ന് പൂച്ചക്കാട് പ്രത്യേകം സജ്ജമാക്കിയ ഖാസി ഹസൈനാര്‍ വലിയുല്ലാഹി നഗറില്‍ പ്രാര്‍ഥനാ സദസിനു  നേതൃത്വം നല്‍കും. മുദരിസ്  അബ്ദുല്‍ ഖാദര്‍ ബാഖവി ഉദ്ഘാടനം ചെയ്യും. ഇബ്രാഹിം ഖലീല്‍ ഹുദവി മുഖ്യ പ്രഭാഷണം നടത്തും. മുഹാജിര്‍ പൂച്ചക്കാട്, മാളികയില്‍ മുഹമ്മദ് കുഞ്ഞി ഹാജി തുടങ്ങിയ പ്രമുഖര്‍ ചടങ്ങില്‍ സംബന്ധിക്കും.