കല്‍പ്പറ്റ: സംസ്ഥാന ധനകാര്യ വകുപ്പ് മന്ത്രി ഡോ. ടി.എം തോമസ് ഐസക്, ടൂറിസം ദേവസ്വം വകുപ്പ് മന്ത്രി കടകംപള്ളി സുരേന്ദ്രന്‍, ജലവിഭവ വകുപ്പ് മന്ത്രി മാത്യൂ ടി തോമസ് എന്നിവര്‍ ഇന്ന് ജില്ലയില്‍ വിവിധ പരിപാടികളില്‍ പങ്കെടുക്കും. മന്ത്രി തോമസ് ഐസക് രാവിലെ ഒന്‍പതിന് തലപ്പുഴ പൊലിസ് സ്റ്റേഷന്‍ ഉദ്ഘാടനം ചെയ്യും. 10ന് കാട്ടിക്കുളത്ത് വിത്തുല്‍സവത്തില്‍ പങ്കെടുക്കും. 11ന് മുള്ളന്‍കൊല്ലി-പുല്‍പ്പള്ളി വരള്‍ച്ച ലഘൂകരണ പദ്ധതി നിര്‍വഹണ ആസൂത്രണ സെമിനാര്‍ ഉദ്ഘാടനം ചെയ്യും. 2.30ന് മീനങ്ങാടിയില്‍ കാര്‍ബണ്‍ ന്യൂട്രല്‍ പദ്ധതി യോഗത്തില്‍ പങ്കെടുക്കും. മന്ത്രി കടകംപള്ളി സുരേന്ദ്രന്‍ രാവിലെ 11ന് സംസ്ഥാന മന്ത്രിസഭയുടെ ഒന്നാം വാര്‍ഷികാഘോഷത്തിന്റെ ജില്ലാതല ഉദ്ഘാടനവും കാരാപ്പുഴ ടൂറിസം പദ്ധതി ഉദ്ഘാടനവും നിര്‍വഹിക്കും. പദ്ധതിയുടെ ഭാഗമായുള്ള റോസ് ഗാര്‍ഡന്‍ മന്ത്രി മാത്യൂ ടി തോമസ് ഉദ്ഘാടനം ചെയ്യും.