കല്‍പ്പറ്റ: രാഷ്ട്രീയ മാധ്യമിക് ശിക്ഷാ അഭിയാന്‍ 62 ഗവ. ഹൈസ്‌കൂളുകള്‍ക്ക് സ്‌പോര്‍ട്‌സ് കിറ്റുകള്‍ വിതരണം ചെയ്തു. സ്‌പോര്‍ട്‌സ് കൗണ്‍സിലിന്റെ സഹായത്താല്‍ നല്‍കുന്ന 15000 രൂപ വിലമതിക്കുന്ന കിറ്റുകളുടെ വിതരണം സി.കെ ശശീന്ദ്രന്‍ എം.എല്‍.എ നിര്‍വഹിച്ചു.
ജില്ലാ പഞ്ചായത്ത് പ്രസിഡന്റ് ടി. ഉഷാകുമാരി അധ്യക്ഷയായി. ജില്ലയിലെ പഴയകാല കായിക അധ്യാപകരായ വിജയിയെയും സുജാതയെയും ചടങ്ങില്‍ ആദരിച്ചു. സംസ്ഥാന സ്‌കൂള്‍ കായിക മേളയില്‍ ജാവലിങ് ത്രോയില്‍ സ്വര്‍ണ മെഡല്‍ നേടിയ ഐ.വി ദൃശ്യ, ഹഡില്‍സില്‍ മൂന്നാം സ്ഥാനം നേടിയ വിനായക് വിക്രം എന്നിവരെ ജില്ലാ സ്‌പോര്‍ട്‌സ് കൗണ്‍സില്‍ പ്രസിഡന്റ് എം. മധു ആദരിച്ചു. ജില്ലാപഞ്ചായത്ത് വിദ്യഭ്യാസ സ്റ്റാന്‍ഡിങ് കമ്മിറ്റി ചെയര്‍പേഴ്‌സണ്‍ എ. ദേവകി, വികസനകാര്യ കമ്മിറ്റി ചെയര്‍പേഴ്‌സണ്‍ കെ. മിനി, ക്ഷേമകാര്യ കമ്മിറ്റി ചെയര്‍പേഴ്‌സണ്‍ അനില തോമസ്, ജില്ലാപഞ്ചായത്ത് അംഗങ്ങളായ എ. പ്രഭാകരന്‍ മാസ്റ്റര്‍, കെ.ബി നസീമ, ഡി.ഡി.ഇ ഇന്‍ചാര്‍ജ് കെ.കെ ഉഷാകുമാരി, എസ്.എസ്.എ ഡി.പി.ഒ ജി.എന്‍ ബാബുരാജ്, പി.ജെ ബിനേഷ്, സലീം കടവന്‍, പി. ശിവപ്രസാദ്, കെ. നൗഫല്‍ സംസാരിച്ചു.