കാസര്‍കോട്: തിരുവനന്തപുരം പുളിമൂട്ടില്‍ സ്വദേശിയും ഓട്ടോഡ്രൈവറുമായ ഉപേന്ദ്രനെ കാസര്‍കോട് നഗരത്തില്‍  കൊലപ്പെടുത്തിയ സംഭവത്തില്‍ വിധി പറയുന്നത് സെപ്റ്റംബര്‍ 26ലേക്കു മാറ്റി. 2011 ജനുവരി 24നാണ് ഉപേന്ദ്രന്‍ കൊലപ്പെട്ടത്. അണങ്കൂര്‍ ടിപ്പു നഗറിലെ കെ. ഫൈസല്‍ (27), പച്ചക്കാട്ടെ കെ.എ അബ്ദുല്‍ നാസര്‍ (37), കൊല്ലമ്പാടിയിലെ റഹ്മാന്‍ (30), ആരിക്കാടി കൊടിയമ്മയിലെ അബ്ദുല്ല (37), നെല്ലിക്കുന്നിലെ കെ.എം റിഷാല്‍ (26), അണങ്കൂര്‍ ടി.വി സ്റ്റേഷനു സമീപത്തെ എം. നിഷാദ് (26), ടിപ്പു നഗറിലെ ഷാഹുല്‍ ഹമീദ് (28), ഏരിയാല്‍ കുളങ്ങര ഹൗസില്‍ അബ്രാഹിം ഖലീല്‍ (28), തളങ്കര സിറാമിക്‌സ് റോഡിലെ മുഹമ്മദ് നവാസ് (39) എന്നിവരാണ് പ്രതികള്‍.