വാഷിങ്ടണ്‍: യു.എന്‍ രക്ഷാസമിതിയില്‍ സ്ഥിരമല്ലാത്ത അംഗത്വം ലഭിക്കുന്നതിനായുള്ള സ്ഥാനാര്‍ഥിത്വത്തില്‍ ഏഷ്യ പസഫിക് ഗ്രൂപ്പിലെ 55 അംഗങ്ങള്‍ ഇന്ത്യയെ പിന്തുണച്ചു.
പാകിസ്താനും ചൈനയും ഉള്‍പ്പെടുന്ന രാജ്യങ്ങള്‍ 2020 - 22 വര്‍ഷത്തേക്കുള്ള അംഗത്വത്തിലാണ് ഇന്ത്യയെ പിന്തുണച്ചത്. അടുത്ത വര്‍ഷം ജൂണില്‍ നടക്കുന്ന തെരഞ്ഞെടുപ്പിലാണ് ആകെയുള്ള പത്ത് അംഗങ്ങളില്‍ അഞ്ച് പേരെ തെരഞ്ഞെടുക്കുക. അഫ്ഗാനിസ്ഥാന്‍, ബംഗ്ലാദേശ്, ഖത്തര്‍,സഊദി, ജപ്പാന്‍, കുവൈത്ത്, മലേഷ്യ, മ്യാന്‍മര്‍ തുടങ്ങിയ രാജ്യങ്ങള്‍ ഉള്‍പ്പെടുന്നതാണ് ഏഷ്യ പസഫിക് ഗ്രൂപ്പ്. നിലവില്‍ യു.എസ്, യു.കെ, ഫ്രാന്‍സ്, റഷ്യ, ചൈന തുടങ്ങിയ രാജ്യങ്ങളാണ് യു.എന്‍ രക്ഷാസമിതിയിലെ സ്ഥിരാംഗങ്ങള്‍.
അഞ്ച് അംഗങ്ങളെ വീതം എല്ലാ വര്‍ഷവും തെരഞ്ഞെടുക്കും. ഓരോ മേഖല തിരിച്ചാണ് തെരഞ്ഞെടുപ്പ്.