വടകര: കുട്ടോത്തെ രണ്ട് വാടക ക്വാര്‍ട്ടേഴ്‌സുകള്‍ ദുര്‍ഗന്ധവും മലിനീകരണവും ഉണ്ടാക്കുന്നതായി പരാതി. ഇതര സംസ്ഥാന തൊഴിലാളികള്‍ തിങ്ങിത്താമസിക്കുന്ന രണ്ടു കെട്ടിടത്തില്‍ നിന്നാണ് മലിനജലം പുറത്തേക്കൊഴുക്കുകയും പ്ലാസ്റ്റിക് ഉള്‍പ്പെടെയുള്ള മാലിന്യങ്ങള്‍ പുറന്തള്ളകുയും ചെയ്യുന്നത്. പ്രവേശിപ്പിക്കാവുന്നതിലും നാലിരട്ടി ആളുകളെ ക്വാര്‍ട്ടേഴ്‌സുകളില്‍ താമസിപ്പിക്കുന്നുവെന്നാണ് പരാതി.  പരാതി നല്‍കിയെങ്കിലും നടപടിയൊന്നുമുണ്ടായില്ല.കെട്ടിടങ്ങള്‍ക്ക് സമീപം ചെളി നിറഞ്ഞതാണ് ഒടുവിലുണ്ടായ പ്രശ്‌നം. ഇത് മറ്റൊരിടത്തേക്ക് മാറ്റാന്‍ നടത്തിയ ശ്രമം കൂടുതല്‍ പ്രശ്‌നമുണ്ടാക്കി. ഇവിടെ നിന്നൊഴുക്കുന്ന മലിന ജലം സമീപത്തെ കിണറുകളെ ബാധിച്ചിട്ടുണ്ടെന്ന് നാട്ടുകാര്‍ പറഞ്ഞു.