ഓമശ്ശേരി: ഓമശ്ശേരിയിലും പരിസര പ്രദേശങ്ങളിലും ബൈക്ക് മോഷണം തുടര്‍ക്കഥയാകുന്നു. കഴിഞ്ഞ ദിവസം തെച്ചിയാട് ജുമാമസ്ജിദ് പരിസരത്തു നിന്നും സലാം പൂവത്തിരിയുടെ ബൈക്ക് കാണാതായിരിന്നു.
ജുമുഅ നമസ്‌കാരത്തിനായി പള്ളിയില്‍ വന്നതായിരുന്നു ഇദ്ദേഹം. ഇതിനെതുടര്‍ന്ന് മുക്കം പോലീസില്‍ പരാതി നല്‍കി. എന്നാല്‍ ഇന്നലെ കൊടുവള്ളി കണിയാര്‍കടം പരിസരത്തു ഉപേക്ഷിച്ച നിലയില്‍ ബൈക്ക് കണ്ടെത്തുകയായിരുന്നു. അടുത്ത കാലത്തായി ഓമശ്ശേരിയിലും പരിസരത്തും നിരവധി ബൈക്ക് മോഷണങ്ങളാണ് നടന്നത്.