മക്കരപ്പറമ്പ്: ഒന്നാം വര്‍ഷ ബിരുദ വിദ്യാര്‍ഥികള്‍ക്ക് പഠനത്തോടൊപ്പം വിവിധ ജീവിതതൊഴില്‍ നൈപുണികള്‍ വികസിപ്പിക്കുവാനും മത്സര പരീക്ഷകളില്‍ ഊര്‍ജം പകരാനുമായി എസ്.കെ.എസ്.എസ്.എഫ് വിദ്യാഭ്യാസ വിഭാഗം ട്രെന്‍ഡ് സംസ്ഥാന സമിതി ആവിഷ്‌കരിച്ച 'സ്‌പെയ്‌സ്' പദ്ധതിയുടെ ഈസ്റ്റ് ജില്ലയിലെ പ്രീ ലോഞ്ചിങ് മക്കരപ്പറമ്പ് മേഖലയില്‍ നടന്നു. പടിഞ്ഞാറ്റുംമുറി ഫസ്ഫരി കാംപസില്‍ നടന്ന പരിപാടി എസ്.കെ.എസ്.എസ്.എഫ് മുന്‍ സംസ്ഥാന ട്രഷററും അലിഗഢ് മുസ്‌ലിം യൂനിവേഴ്‌സിറ്റി ഡെപ്യൂട്ടി റെക്ടറു(മലപ്പുറം സെന്റര്‍)മായ ഡോ. കെ.ടി മുഹമ്മദ് ബഷീര്‍ പനങ്ങാങ്ങര ഉദ്ഘാടനം ചെയ്തു.
സയ്യിദ് ഹുസൈന്‍ ശരീഫ് ജിഫ്‌രി അധ്യക്ഷനായി. സമസ്ത ജില്ലാ മുശാവറ അംഗം കാളാവ് സൈതലവി മുസ്‌ലിയാര്‍ നസ്വീഹത്ത് പ്രഭാഷണം നിര്‍വഹിച്ചു. ട്രെന്‍ഡ് സംസ്ഥാന സമിതിയംഗം ജിയാദ് എറണാംകുളം സ്‌പെയ്‌സ് പദ്ധതി വിശദീകരിച്ചു. ഹസന്‍ മുസ്‌ലിയാര്‍, എസ്.കെ.എസ്.എസ്.എഫ് ജില്ലാ ജന. സെക്രട്ടറി ശമീര്‍ ഫൈസി ഒടമല, ജില്ലാ വൈ. പ്രസിഡന്റ് ശമീര്‍ ഫൈസി പുത്തനങ്ങാടി, ജില്ലാ സെക്രട്ടേറിയറ്റ് അംഗം സുബൈര്‍ മുഹ്‌സിന്‍ മാസ്റ്റര്‍ മഞ്ചേരി, ജില്ലാ ട്രെന്‍ഡ് ചാര്‍ജ് സെക്രട്ടറി റഷീദ് വാഫി കാവനൂര്‍, ഡോ. അബ്ദുറഹ്മാന്‍ മുബാറക്, നാസര്‍ മാസ്റ്റര്‍ വള്ളിക്കാപറ്റ, സ്വാദിഖ് മാസ്റ്റര്‍ മുട്ടിപ്പാലം, അനസ് പൂക്കോട്ടൂര്‍, ജൗഹര്‍ കാളമ്പാടി, ത്വാഹ ഹുദവി വറ്റലൂര്‍, അബ്ദുല്‍ വഹാബ് പടിഞ്ഞാറ്റുംമുറി, റിയാസ് മാസ്റ്റര്‍ പള്ളിപ്പുറം, മുഹ്‌സിന്‍ മാസ്റ്റര്‍ വെള്ളില, അസ്‌ലം ഫൈസി കൊഴിഞ്ഞില്‍ സംസാരിച്ചു. സ്‌പെയ്‌സ് ലഘുലേഖ വിതരണോദ്ഘാടനം ശമീര്‍ ഫൈസി ഒടമലയും അഡ്മിഷന്‍ പ്രഥമ അപേക്ഷാ സ്വീകരണ ഉദ്ഘാടനം ജിയാദ് എറണാംകുളവും നിര്‍വഹിച്ചു.