ഏറ്റുമാനൂര്‍: മഹാത്മാ ഗാന്ധി സര്‍വകലാശാലയുടെ പത്താമത് പ്രോ വൈസ് ചാന്‍സലറായി പരിസ്ഥിതി ശാസ്ത്രജ്ഞനും സര്‍വകലാശാല പരിസ്ഥിതി പഠനവകുപ്പിലെ അധ്യാപകനുമായ പ്രൊഫ. സി.ടി അരവിന്ദകുമാര്‍ നിയമിതനായി. വെള്ളിയാഴ്ച കൂടിയ സര്‍വകലാശാല സിന്‍ഡിക്കേറ്റിന്റെ പ്രത്യേക യോഗമാണ് പുതിയ പി.വി.സിയെ തിരഞ്ഞെടുത്തത്. പി.വി.സിയായി അദ്ദേഹം ചുമതലയേറ്റു. മഹാത്മാ ഗാന്ധി സര്‍വകലാശാല കാംപസില്‍ നിന്നുള്ള അധ്യാപകര്‍ ഒരേസമയം ഒരു സര്‍വകലാശാലയുടെ വൈസ് ചാന്‍സലറും പ്രോ വൈസ് ചാന്‍സലറുമാവുന്നത് ഇതാദ്യമാണ്. എം.ജി. സര്‍വകലാശാല പരിസ്ഥിതി പഠന സുസ്ഥിര വികസന അന്തര്‍സര്‍വകലാശാല സെന്ററിലെ റിസര്‍ച്ച് സയന്റിസ്റ്റായ ഡോ. ഉഷ അരവിന്ദാണ് ഭാര്യ. ട്രിച്ചി ഗവ. മെഡിക്കല്‍ കോളജിലെ മൂന്നാം വര്‍ഷ എം.ബി.ബി.എസ് വിദ്യാര്‍ഥിയായ മനു അരവിന്ദാണ് മകന്‍.