കളമശ്ശേരി: സാഹോദര്യത്തിന്റെയും സഹവര്‍ത്തിത്വത്തിന്റെയും സന്ദേശം വ്യാപിപ്പിക്കുക എന്ന ലക്ഷ്യവുമായി മുസ്‌ലിം യൂത്ത് വിങ് സംസ്ഥാന കമ്മിറ്റി നടത്തുന്ന 'ല കോന്‍വിവെന്‍സിയ' കാംപയിന് കളമശ്ശേരി ടൗണില്‍ ഉജ്ജ്വല തുടക്കം. പത്തടിപ്പിാലം പി.ഡബ്ല്യു.ഡി റസ്റ്റ്ഹൗസ് ഓഡിറ്റോറിയത്തില്‍ നടന്ന സംഗമം യൂത്ത്‌ലീഗ് സംസ്ഥാന വൈസ് പ്രസിഡന്റ് പി.എ അഹമ്മദ് കബീര്‍ ഉദ്ഘാടനം ചെയ്തു. ടൗണ്‍ യൂത്ത് ലീഗ് പ്രസിഡന്റ് പി.എം ഫൈസല്‍ അധ്യക്ഷത വഹിച്ചു. കളമശ്ശേരി നഗരസഭാ ചെയര്‍പേഴ്‌സണ്‍ ജെസി പീറ്റര്‍ മുഖ്യാതിഥിയായി പങ്കെടുത്തു. കാംപയിനിന്റെ ഭാഗമായി യൂത്ത് ലീഗ് ശാഖ തലങ്ങളില്‍ നടത്തുന്ന ജലസഭയുടെ മോഡല്‍ ജലസഭ സംഗമത്തില്‍ നടന്നു.
മോഡല്‍ ജലസഭക്ക് യൂത്ത്‌ലീഗ് ജില്ലാ ജനറല്‍ സെക്രട്ടറി മുഹമ്മദ് ആസിഫ് നേതൃത്വം നല്‍കി. ജലസംരക്ഷണത്തെക്കുറിച്ചുള്ള ഡോക്യുമെന്ററി പ്രദര്‍ശനവും സംഗമത്തില്‍ നടന്നു. മുസ്‌ലിം ലീഗ് നേതാവ് എ.പി ഇബ്രാഹിം, മുസ്‌ലിംലീഗ് മണ്ഡലം സെക്രട്ടറിയും കൗണ്‍സിലറുമായ കെ.എ സിദ്ദീഖ്, എസ്.ടി.യു ജില്ലാ വൈസ് പ്രസിഡന്റ് പി.എം.എ ലെത്തീഫ്, നഗരസഭാ വിദ്യാഭ്യാസ സ്റ്റാന്‍ഡിങ്ങ് കമ്മിറ്റി ചെയര്‍മാന്‍ സെബീന ജബ്ബാര്‍, കൗണ്‍സിലര്‍മാരായ വി.എസ് അബൂബക്കര്‍, ലീല വിശ്വന്‍, യൂത്ത്‌ലീഗ് മണ്ഡലം വൈസ് പ്രസിഡന്റ് മാഹിന്‍ മൂലേപ്പാടം, സെക്രട്ടറിമാരായ സലിം കിഴക്കേക്കര, റിയാസ് വട്ടേക്കുന്നം, ടൗണ്‍യൂത്ത് ലീഗ് സെക്രട്ടറി സലിം കാരുവള്ളി, എം.എസ്.എഫ് ടൗണ്‍സെക്രട്ടറി സി.കെ ഷാമിര്‍ തുടങ്ങിയവര്‍ പ്രസംഗിച്ചു. ടൗണ്‍ യൂത്ത് ലീഗ് ജനറല്‍ സെക്രട്ടറി പി.എ ഷെമീര്‍ സ്വാഗതവും ട്രഷറര്‍ കെ.എ വഹാബ് നന്ദിയും പറഞ്ഞു.