പെരുമ്പാവൂര്‍: കഞ്ചാവുമായി രണ്ട് ഇതരസംസ്ഥാന തൊഴിലാളികളെ കുറുപ്പംപടി പൊലീസ് പിടികൂടി. ആസാം സ്വദേശി കൊഗന്‍ ഗൊഗോല്‍ (25), ഒറീസ സ്വദേശി ധുര്‍ഗാതന്‍ (23) എന്നിവരെയാണ് കുറുപ്പംപടി എസ്.ഐ പി.എം ഷമീറും സംഘവും അറസ്റ്റ് ചെയ്തത്. കൊഗന്‍ ഗൊഗോലിനെ ഓടക്കാലിയില്‍ നിന്നും ധുര്‍ഗാതനെ കുറുപ്പംപടിയില്‍ നിന്നുമാണ് പിടികൂടിയത്.
ഇരുവരില്‍ നിന്നും 300 ഗ്രാം കഞ്ചാവ് പൊലീസ് പിടിച്ചെടെത്തു. ഓടക്കാലിയിലുള്ള പ്ലൈവുഡ് കമ്പനിയിലെ ജോലിക്കാരാണ് പ്രതികള്‍. നാട്ടില്‍ പോയി തിരികെ വരുമ്പോഴാണ് ഇവര്‍ കഞ്ചാവ് കൊണ്ടുവന്നിരുന്നത്. കുറുപ്പംപടി കോടതിയില്‍ ഹാജറാക്കിയ പ്രതികളെ റിമാന്റ് ചെയ്തു.