കായംകുളം: താലൂക്കാശുപത്രിയിലെ  ജീവനക്കാരുടെ അനാസ്ഥയ്‌ക്കെതിരെയും  ശോചനീയാവസ്ഥ പരിഹരിക്കണമെന്ന് ആവശ്യപ്പെട്ടും എ.ഐ.വൈ.എഫ് മണ്ഡലം കമ്മിറ്റിയുടെ നേതൃത്വത്തില്‍ ഡെപ്യൂട്ടി ഡി.എം.ഒയ്ക്ക് നിവേദനം നല്‍കി.  
രോഗികള്‍ക്ക് വേണ്ടത്ര ചികിത്സ കിട്ടാത്ത സാഹചര്യത്തില്‍ കഴിഞ്ഞ ദിവസം സൂപ്രണ്ടിനെ  ഉപരോധിച്ച്‌കൊണ്ട് എ.ഐ.വൈ.എഫ്. മുന്നോട്ടുവെച്ച കാര്യങ്ങള്‍ ആരോഗ്യ മേഖലയിലെ ജില്ലാ അധികാരികളുടെ ശ്രദ്ധയില്‍പ്പെടുത്തുന്നതിന്റെ ഭാഗമായിട്ടാണ് എ.ഐ.വൈ.എഫ് നിവേദനം നല്‍കിയത്.   
 ആതുര മേഖലയെ ഗൗരവമായി കാണുന്ന സമീപനം ജീവനക്കാരുടെ ഭാഗത്തുനിന്നും ഉണ്ടാകണമെന്നും ആതുര മേഖലയെ ഏറെ ഗൗരവത്തോടെ നോക്കി കാണുന്ന ഒരു സര്‍ക്കാര്‍ അധികാരത്തിലിരിക്കുമ്പോള്‍ ആ മേഖലയെ ദുര്‍ബ്ബലപ്പെടുത്തുന്ന സമീപനം  ജീവനക്കാര്‍ കാണിക്കുന്നത്  അങ്ങേയറ്റം പ്രതിഷേധാര്‍ഹമാണെന്നും എ.ഐ.വൈ.എഫ് അഭിപ്രായപ്പെട്ടു. എ.ഐ.വൈ.എഫ് നേതാക്കന്‍മാരായ ആദര്‍ശ്, റാഫിരാജ്, ഉണ്ണി. ജെ.വാര്യത്ത്, ജലീല്‍. എസ്. പെരുമ്പളത്ത്, രമ അഭിലാഷ് എന്നിവരുടെ നേതൃത്വത്തിലാണ് നിവേദനം നല്‍കിയത്.