ഒസാക്ക: ജി20 ഉച്ചകോടിക്കിടെ നടത്തിയ കൂടിക്കാഴ്ചയില്‍ യൂറോപ്പിലും യു.എസിലും ജനാധിപത്യം ശക്തിപ്രാപിക്കുന്നതിനെ പുകഴ്ത്തിയ പുടിന്‍ യു.എസ് പ്രസിഡന്റ് ഡൊണാള്‍ഡ് ട്രംപിനെ ബുദ്ധിമാനായ വ്യക്തിയെന്ന് വിശേഷിപ്പിച്ചു. വോട്ടര്‍മാരോട് എങ്ങനെ ബന്ധപ്പെടണമെന്ന് അദ്ദേഹത്തിനറിയാമെന്നും പുടിന്‍ കൂട്ടിച്ചേര്‍ത്തു. അതേസമയം ഈ പ്രശംസ വലിയ ബഹുമതിയായി കാണുന്നതായി ട്രംപ് പ്രതികരിച്ചു.
തെരഞ്ഞെടുപ്പില്‍ ഇടപെടരുതെന്ന് ട്രംപ് ചര്‍ച്ചയ്ക്കിടെ തമാശയായി പറഞ്ഞപ്പോള്‍ പുടിന്‍ പൊട്ടിച്ചിരിച്ചു. 2016ലെ യു.എസ് പ്രസിഡന്റ് തെരഞ്ഞെടുപ്പില്‍ റഷ്യന്‍ ഇടപെടലുണ്ടായെന്നതിനു തെളിവില്ലെന്ന് റോബര്‍ട്ട് മുള്ളറുടെ നേതൃത്വത്തില്‍ നടത്തിയ അന്വേഷണത്തില്‍ തെളിഞ്ഞ ശേഷം ആദ്യമായാണ് ഇരു നേതാക്കളും കൂടിക്കാഴ്ച നടത്തുന്നത്.