പെരുവള്ളൂര്‍: ഗ്രാമപഞ്ചായത്തില്‍ വിദ്യാര്‍ഥികള്‍ക്കുള്ള അവധിക്കാല ക്യാംപായ ഗ്രീഷ്‌മോത്സവത്തിന് പെരുവള്ളൂര്‍ ഗവ.ഹയര്‍ സെക്കന്‍ഡറി സ്‌കൂളില്‍ തുടക്കമായി.
മാലിന്യ സംസ്‌കരണത്തിന്റെ പ്രാധാന്യത്തെക്കുറിച്ച് വിദ്യാര്‍ഥികളിലൂടെ സമൂഹത്തെ ബോധവല്‍ക്കരിക്കലും പ്ലാസ്റ്റിക്ക് പോലുള്ള ഉല്‍പന്നങ്ങളുടെ നിര്‍മാര്‍ജനവുമാണ് മൂന്ന് ദിവസങ്ങളിലായി നടത്തപ്പെടുന്ന ക്യാംപിന്റെ മുഖ്യ ലക്ഷ്യം. മലപ്പുറം ജില്ലാ പഞ്ചായത്ത് പ്രസിഡന്റ് എ.പി ഉണ്ണികൃഷ്ണന്‍  ഉദ്ഘാടനം ചെയ്തു. ബ്ലോക്ക് പഞ്ചായത്ത് പ്രസിഡന്റ് കെ കലാം മാസ്റ്റര്‍ അധ്യക്ഷനായി.
ഗ്രാമപഞ്ചായത്ത് പ്രസിഡന്റ് പി.കെ റംല, വൈസ്.പ്രസിഡന്റ് വേണുഗോപാലന്‍, പി.സി വീരാന്‍കുട്ടി, പി.എം അഷ്‌റഫ്, ടി മുനീര്‍, പി സുനില്‍, കെ അയ്യപ്പന്‍, പ്രശാന്ത്, കെ.പി അബ്ദുല്‍ നാസര്‍, മുഹമ്മദ് ഹനീഫ മാസ്റ്റര്‍ സംസാരിച്ചു.