തേഞ്ഞിപ്പലം: നിയന്ത്രണം വിട്ട്  റോഡരികിലേക്ക് പാഞ്ഞു കയറിയ കാര്‍ കാല്‍നട യാത്രക്കാരനെയും മറ്റു രണ്ടു ബൈക്കുകളിലുമിടിച്ചു അപകടം.
അപകടത്തില്‍ കാല്‍നട യാത്രക്കാരനായ തയ്യിലക്കടവ് തെക്കേതൊടി രാധാകൃഷ്ണന് (55) പരുക്കേറ്റു. ഇയാളെ കോഴിക്കോട് മെഡിക്കല്‍ കോളജ് ആശുപത്രിയില്‍ പ്രവേശിപ്പിച്ചു.ചേളാരി കൂട്ടുമൂച്ചി റോഡില്‍ തയ്യിലക്കടവ് അങ്ങാടിയില്‍ ഇന്നലെ വൈകീട്ട് അഞ്ചോടെയാണ് അപകടം. ചേറക്കോട് ഭാഗത്തു നിന്നും പരപ്പനങ്ങാടിയിലേക്കു പോകുന്ന കാറാണ് അപകടമുണ്ടാക്കിയത്. അപകടത്തില്‍ കാറിന്റെ മുന്‍ഭാഗം ചെറിയതോതില്‍ തകര്‍ന്നിട്ടുണ്ട്. ബൈക്കു യാത്രികരായ മറ്റു നാലുപേര്‍ക്ക് നിസാര പരുക്കേറ്റു.
തയ്യിലക്കടവ് സ്വദേശികളായ ഷംസീര്‍(22), റഊഫ് (23),ഫാറൂഖ്(29),മര്‍വാന്‍ (18)എന്നിവര്‍ക്കാണ് പരുക്കേറ്റത്. ഇവരെ ചേളാരിയിലെ സ്വകാര്യ ഹോസ്പിറ്റലില്‍ ചികിത്സയ്ക്ക് വിധേയമാക്കി.