തൊടുപുഴ: പീരുമേട് സബ് ജയിലില്‍ കസ്റ്റഡിയില്‍ മരിച്ച രാജ് കുമാറിന്റെ മരണത്തില്‍ ഇടുക്കി എസ്.പിക്കെതിരേ സി.പി.ഐയും കോണ്‍ഗ്രസും. എസ്.പിയുടെ അറിവോ സമ്മതമോ ഇല്ലാതെ ക്രൂരമായ മര്‍ദനമുറകള്‍ ഉണ്ടാവില്ലെന്നും എസ്.പിയുടെ പങ്കിനെക്കുറിച്ച് ഗൗരവമായി അന്വേഷിക്കണമെന്നും സി.പി.ഐ ജില്ലാ സെക്രട്ടറി കെ.കെ ശിവരാമന്‍ ആവശ്യപ്പെട്ടു. എസ്.പിയെ മാറ്റി നിര്‍ത്തി അന്വേഷിക്കണമെന്നും അദ്ദേഹം കൂട്ടിച്ചേര്‍ത്തു.
ഈ വിഷയത്തില്‍ നേരത്തെ പ്രതിപക്ഷ നേതാവ് രമേശ് ചെന്നിത്തലയും ഡീന്‍കൂര്യാക്കോസ് എം.പിയും രംഗത്തെത്തിയിരുന്നു. വിഷയത്തില്‍ ജുഡീഷ്യല്‍ അന്വേഷണം വേണമെന്നാണ് പ്രതിപക്ഷ ആവശ്യം.