എടപ്പാള്‍: ഇടിമിന്നലിനെത്തുടര്‍ന്ന് എടപ്പാള്‍ ജങ്ഷനിലെ സിഗ്‌നല്‍ സംവിധാനം തകരാറിലായതോടെ കഴിഞ്ഞ രണ്ടണ്ട് ദിവസമായി എടപ്പാളില്‍ രൂക്ഷമായ ഗതാഗതക്കുരുക്ക് രൂപപ്പെട്ടു. നേരത്തേ സിഗ്‌നല്‍ സംവിധാനം ആരംഭിച്ചതിനെ തുടര്‍ന്ന് ഗതാഗതകുരുക്കിന് പരിഹാരമായിരുന്നു.അതാണ് സിഗ്‌നല്‍ സംവിധാനം തകര്‍ന്നതോടെ പഴയ പടിയായത്. ദിവസങ്ങള്‍ക്ക് മുന്‍പാണ് അറ്റകുറ്റ പണി നടത്തി സിഗ്‌നല്‍ സംവിധാനം പൂര്‍ണ്ണ സജ്ജമാക്കിയത്. എത്രയും പെട്ടന്ന് സിഗ്‌നല്‍ സംവിധാനം പൂര്‍വ്വസ്ഥിതിയിലാക്കണമെന്ന് നാട്ടുകാര്‍ ആവശ്യപ്പെട്ടു.