കണ്ണൂര്‍: കണ്ണൂര്‍ നഗരപരിധിയിലെ ആനക്കുളത്തില്‍ കുളിക്കുന്നതിനിടെ എറണാകുളം സ്വദേശിയായ യുവാവ് മുങ്ങിമരിച്ചു.
എറണാകുളം ഇടപ്പള്ളി സ്വദേശി അജയനാണ് (27) മരിച്ചത്. സൗത്ത്ബസാര്‍ മക്കാനി മഖാമിന് സമീപത്തെ ആനക്കുളത്തില്‍ ഇന്നലെ വൈകിട്ട് ആറോടെയാണ് സംഭവം.
സുഹൃത്തുക്കളോടൊപ്പം കുളിക്കാനിറങ്ങിയ അജയന്‍, കുളത്തിന്റെ മധ്യഭാഗത്തേക്ക് നീന്തുന്നതിനിടെ ദേഹാസ്വസ്ഥ്യത്തെതുടര്‍ന്ന് മുങ്ങിപ്പോവുകയായിരുന്നു. അഗ്‌നിശമനസേനയുടെ സഹായത്തോടെ കരയ്‌ക്കെത്തിച്ച മൃതദേഹം ജില്ലാ ആശുപത്രി മോര്‍ച്ചറിയിലേക്ക് മാറ്റി. കണ്ണൂര്‍ താണ ബി.എസ്.എന്‍.എല്‍ ഓഫിസില്‍ ട്രെയിനിയായി ജോലി ചെയ്തുവരികയായിരുന്നു.