വാളയാര്‍: വാളയാറില്‍ വാഹനാപടകത്തില്‍ അഞ്ചുപേര്‍ മരിച്ചു. കോയമ്പത്തൂര്‍ കുനിയമുത്തൂര്‍ സ്വദേശികളായ ഷെറിന്‍, റയാന്‍, ഫൈറോജാ ബീഗം, മുഹമ്മദ് ഷാജഹാന്‍, ആല്‍ഫ സൂഫിയ എന്നിവരാണ് മരിച്ചത്.
രണ്ടു കുട്ടികളും നാല് മുതിര്‍ന്നവരുമാണ് മരിച്ചത്. കോയമ്പത്തൂര്‍ കുനിയമുത്തൂര്‍ സ്വദേശികളാണ് മരിച്ചവരെല്ലാം.
കണ്ടെയ്‌നര്‍ ലോറിയും ഒംനിവാനും തമ്മില്‍ കൂട്ടിയിടിച്ചാണ് അപകടമുണ്ടായത്. ഒംനി വാനിലുണ്ടായിരുന്നവരാണ് മരിച്ചത്. എട്ടുപേര്‍ക്കും പരുക്കേറ്റിട്ടുണ്ട്. പന്ത്രണ്ട് പേരായിരുന്നു വാനിലുണ്ടായിരുന്നതെന്നാണ് അറിയുന്നത്.

ദേശീയപാതയിലാണ് അപകടമുണ്ടായത്. കോയമ്പത്തൂരില്‍ നിന്ന് വരികയായിരുന്നു ഓമ്‌നിവാന്‍. കണ്ടെയ്‌നര്‍ ലോറി തിരിക്കുന്നതിനിടെ ഓമ്‌നിവാന്‍ ലോറിയുടെ പിന്നിലേക്ക് ഇടിച്ച് കയറുകയായിരുന്നു.

 പരുക്കേറ്റ എട്ട് പേരില്‍ ഒരാളുടെ നില ഗുരുതരമാണ്. ഇവരെ പാലക്കാട് ജില്ലാ ആശുപത്രിയില്‍ പ്രവേശിപ്പിച്ചിരിക്കുകയാണ്. എട്ട് പേരും അത്യാഹിത വിഭാഗത്തിലാണ് ഇപ്പോഴുള്ളത്.