ജിദ്ദ: മലയാളി യുവാവ് ഫുട്‌ബോള്‍ ഗ്രൗണ്ടില്‍ കുഴഞ്ഞുവീണു മരിച്ചു. കാളികാവ് അരിമണല്‍ പതിനൊന്നാം മൈലില്‍ നീലേങ്ങാടന്‍ സാദിഖാണ് (29) മരിച്ചത്.
ഫുട്‌ബോള്‍ കളി കഴിഞ്ഞ് മടങ്ങുന്നതിനിടെ ഗ്രൗണ്ടില്‍ കുഴഞ്ഞു വീഴുകയായിരുന്നു. ഉടന്‍ തന്നെ കിങ് ഫഹദ് ആശുപത്രിയില്‍ എത്തിച്ചെങ്കിലും രക്ഷിക്കാനായില്ല.
ഫൊര്‍സ എഫ്‌സിയുടെ മികച്ച കളിക്കാരനായിരുന്നു സാദിഖ്. ദമ്മാമിലെ സ്വകാര്യ കമ്പനിയിലെ ജീവനക്കാരാണ്. നടപടിക്രമങ്ങള്‍ പൂര്‍ത്തിയാക്കി മൃതദേഹം നാട്ടിലേക്ക് കൊണ്ടുപോവുമെന്ന് ബന്ധുക്കള്‍ അറിയിച്ചു.

അവിവാഹിതനാണ്. പിതാവ് :കുഞ്ഞിമുഹമ്മദ്, മാതാവ്: ജമീല, സഹോദരങ്ങള്‍: സിദ്ദീഖ് ,ആരിഫ, ഹസീന.