തിരുവനന്തപുരം: കേരള അറബിക് ടീച്ചേഴ്‌സ് ഫെഡറേഷന്‍ (കെ.എ.ടി.എഫ്) സംഘടിപ്പിക്കുന്ന ഭാഷാ സമര അനുസ്മരണ സമ്മേളനം നാളെ കാസര്‍കോട്ടു നടക്കും. രാവിലെ 9.30ന് സ്പീഡ് വേ ഇന്‍ ഓഡിറ്റോറിയത്തില്‍ നടക്കുന്ന സമ്മേളനം എന്‍.എ നെല്ലിക്കുന്ന് എം.എല്‍.എ ഉദ്ഘാടനം ചെയ്യും. കെ.എ.ടി.എഫ് സംസ്ഥാന പ്രസിഡന്റ് എ. മുഹമ്മദ് അധ്യക്ഷനാകും. മുന്‍മന്ത്രി സി.ടി അഹമ്മദലി സപ്ലിമെന്റ് പ്രകാശനം ചെയ്യും. ജനറല്‍ സെക്രട്ടറി സി. അബ്ദുല്‍ അസീസ് ആമുഖപ്രഭാഷണവും കെ. മോയിന്‍കുട്ടി മാസ്റ്റര്‍ അനുസ്മരണ പ്രഭാഷണം നിര്‍വഹിക്കും.
സി.എച്ച് മുഹമ്മദ് കുഞ്ഞി ചായിന്റടി, എന്‍.എ സലീം ഫാറൂഖി, എം.എ മക്കാര്‍, കെ.വി റംല ടീച്ചര്‍, മൊയ്തീന്‍ കൊല്ലമ്പാടി, പി. മൂസക്കുട്ടി എന്നിവര്‍ പ്രസംഗിക്കും. രണ്ടിന് നടക്കുന്ന സമാപന സമ്മേളനം പി.ബി അബ്ദുറസാഖ് എം.എല്‍.എ ഉദ്ഘാടനം ചെയ്യും. അലിഫ് അറബിക് ടാലന്റ് പരീക്ഷയില്‍ ഒന്നും രണ്ടും സ്ഥാനങ്ങള്‍ ലഭിച്ചവര്‍ക്കുള്ള പരീക്ഷ രാവിലെ 11ന് നടക്കും.