കോഴിക്കോട്: മുസ്‌ലിം യൂത്ത് ലീഗ് സംസ്ഥാന കമ്മിറ്റി സംഘടിപ്പിക്കുന്ന ശിഹാബ് തങ്ങള്‍ - ഭാഷാസമര അനുസ്മരണ സമ്മേളനം ഇന്ന്  നളന്ദ ഓഡിറ്റോറിയത്തില്‍ നടക്കും.

വൈകിട്ട് മൂന്നിന് പാണക്കാട് സയ്യിദ് ഹൈദരലി ശിഹാബ് തങ്ങള്‍ ഉദ്ഘാടനം ചെയ്യും. കെ. മുരളീധരന്‍ എം.എല്‍.എ ശിഹാബ് തങ്ങള്‍ അനുസ്മരണ പ്രഭാഷണം നടത്തും.

പി.കെ. കുഞ്ഞാലിക്കുട്ടി എം.എല്‍.എ ഭാഷാസമര അനുസ്മരണ പ്രഭാഷണം നടത്തും.അജയ് പി മങ്ങാട്ട്, സി.പി. ജോണ്‍ വിഷയമവതരിപ്പിക്കും. ഇ.ടി. മുഹമ്മദ് ബഷീര്‍ എം.പി, കെ.പി.എ. മജീദ്, പി.കെ.കെ. ബാവ, എം.എല്‍.എ മാരായ ഡോ. എം.കെ. മുനീര്‍, കെ.എം. ഷാജി, അഡ്വ. എന്‍. ഷംസുദ്ദീന്‍, എം.സി. മായിന്‍ഹാജി, ഉമര്‍ പാണ്ടികശാല പ്രസംഗിക്കും.