കണ്ണൂര്‍: ബംഗാളും കേരളവുമാണ് ഫാസിസ്റ്റ് ശക്തികള്‍ ലക്ഷ്യം വെക്കുന്നതെന്നും ബംഗാളില്‍ പ്രാഥമികമായി അവര്‍ വിജയിച്ചെന്നും ശബ്‌നം ഹാശ്മി.
ഫാസിസത്തിനും വര്‍ഗീയതക്കും എതിരായുള്ള സ്ത്രീ സമരമുന്നണി ദേശീയ യാത്രക്ക് കണ്ണൂരില്‍ നല്‍കിയ സ്വീകരണത്തില്‍ സംസാരിക്കുകയായിരുന്നു പ്രശസ്ത സാംസ്‌കാരിക പ്രവര്‍ത്തകയും സഫ്ദര്‍ ഹാശ്മുയുടെ സഹോദരിയുമായ ശബ്‌നം ഹാശ്മി. കേരളത്തിലാണ് ആര്‍.എസ്.എസിന്റെ കൂടുതല്‍ ശാഖ പ്രവര്‍ത്തിക്കുന്നത്. ഇടതുപക്ഷത്തിന്റെ ശക്തിദുര്‍ഗമായ കേരളത്തിലേക്കും നുഴഞ്ഞ് കയറാനുള്ള തീവ്ര ശ്രമം ഫാസിസ്റ്റ് ശക്തികള്‍ നടത്തുന്നുണ്ട്. ഭഗത് സിംഗിന്റെയും സഫ്ദര്‍ ഹാശ്മിയുടെയും പാരമ്പര്യമാണ് നാം ഉയര്‍ത്തി പിടിക്കേണ്ടതെന്നും ബ്രിട്ടീഷുകാര്‍ക്ക് മാപ്പപേഷ നല്‍കി ജയില്‍ മോചിതനായ സവര്‍ക്കറുടെ പാരമ്പര്യമല്ലെന്നും അവര്‍ പറഞ്ഞു.