കണ്ണൂര്‍: ചരിത്രവും വര്‍ത്തമാനവും ബന്ധിപ്പിച്ചുള്ള രാഷ്ട്രീയ ധാരയെക്കുറിച്ചാണ് ദേശീയ മുസ്‌ലിം എന്നു തന്നെ വിശേഷിപ്പിച്ചതെന്നു ബി.ജെ.പിയില്‍ ചേര്‍ന്ന മുന്‍ എം.പി എ.പി അബ്ദുല്ലക്കുട്ടി. ബി.ജെ.പിയില്‍ ചേര്‍ന്ന ശേഷം ആദ്യമായി ജില്ലാ കമ്മിറ്റി ഓഫിസിലെത്തിയതായിരുന്നു അദ്ദേഹം.

ജെ.പി നദ്ദയില്‍നിന്ന് അഞ്ചുരൂപാ അംഗത്വം കൈപ്പറ്റി ആ കടലാസിന്റെ പിന്‍ഭാഗം വായിച്ചുനോക്കിയപ്പോഴാണ് ബി.ജെ.പിയെ ഇത്രകാലവും തെറ്റിദ്ധരിക്കുകയായിരുന്നുവെന്ന് താന്‍ തിരിച്ചറിഞ്ഞത്. രാജ്യത്തെ ഏറ്റവും വലിയ ജനാധിപത്യ രാഷ്ട്രീയപാര്‍ട്ടി തന്നെ സ്വീകരിച്ചത് മുജ്ജന്മ സുകൃതമാണ്. സ്വന്തം പ്രധാനമന്ത്രിയെ പുകഴ്ത്തിയതിന് പാര്‍ട്ടിയില്‍നിന്ന് പുറത്തായ ലോകത്തെ ആദ്യ രാഷ്ട്രീയക്കാരന്‍ താനായിരിക്കുമെന്നും അബ്ദുല്ലക്കുട്ടി വ്യക്തമാക്കി.