തിരുവനന്തപുരം: അട്ടക്കുളങ്ങര വനിതാജയിലില്‍നിന്ന് ജയില്‍ചാടിയ സന്ധ്യയെയും ശില്‍പയെയും സഹായിച്ച മൊട്ടബിജുവിനെ പൊലിസ് പിടികൂടി.
ജയില്‍ചാടിയ സന്ധ്യയുടെ കാമുകനായിരുന്നു മൊട്ടബിജു. ജയില്‍ചാടി ഓട്ടോയില്‍ എസ്.എ.ടി ആശുപത്രിയിലെത്തിയ ഇരുവരെയും ബിജുവാണ് ബൈക്കിലെത്തി കൂട്ടിക്കൊണ്ടുപോയതെന്ന് പ്രതികളെ ചോദ്യംചെയ്തതില്‍നിന്ന് പൊലിസിന് വ്യക്തമായി. ഇതേ തുടര്‍ന്നാണ് ഇയാളെ ഫോര്‍ട്ട് പൊലിസ് പിടികൂടിയത്. ജയില്‍ചാടാന്‍ ഇവരെ സഹായിച്ച സഹതടവുകാരി ആതിരക്കെതിരേയും കേസെടുത്തിട്ടുണ്ട്. മകളെ കൊലപ്പെടുത്തിയ കേസിലാണ് ഇവര്‍ ശിക്ഷ അനുഭവിക്കുന്നത്.