കൊല്ലം: കശുവണ്ടിതൊഴിലാളികളുടെ പട്ടിണിസമരം സര്‍ക്കാരിന്റെ ഒന്നാം വാര്‍ഷികദിനമായ 25ന് രാവിലെ 10ന് കൊല്ലം ആനന്ദവല്ലീശ്വരം മൈതാനത്ത് നടക്കും. ഒഴിഞ്ഞകലവും ഇലയുമായാണ് പട്ടിണിസമരം നടത്തുന്നതെന്ന് കെ.ടി.യു.സി സംസ്ഥാന ജനറല്‍ സെക്രട്ടറി എഴുകോണ്‍ സത്യനും കേരളാകോണ്‍ഗ്രസ് വര്‍ക്കിംഗ് ചെയര്‍മാന്‍ വാക്കനാട് രാധാകൃഷ്ണനും വാര്‍ത്താസമ്മേളനത്തില്‍ അറിയിച്ചു. കേരളാകോണ്‍ഗ്രസ് ചെയര്‍മാന്‍ ജോണി നെല്ലുര്‍ ഉദ്ഘാടനം ചെയ്യും. എം.പിമാരായ കൊടിക്കുന്നില്‍ സുരേഷ്, എന്‍.കെ പ്രേമചന്ദ്രന്‍, ഡി.സി.സി പ്രസിഡന്റ് ബിന്ദു കൃഷ്ണ തുടങ്ങിയവര്‍ സംസാരിക്കും.