ന്യൂഡല്‍ഹി: രാജ്യത്ത് 10 ശതമാനം സാമ്പത്തിക സംവരണം ഏര്‍പ്പെടുത്തിയ ഭരണഘടനാ ഭേദഗതിയ്‌ക്കെതിരായ റിട്ട് ഹരജി സുപ്രിംകോടതി നാളെ പരിഗണിക്കും.
മൈനോറിറ്റി ഇന്ത്യന്‍സ് പ്ലാനിങ് ആന്‍ഡ് വിജിലന്‍സ് കമ്മിഷന്‍ ട്രസ്റ്റ് സമര്‍പ്പിച്ച ഹരജിയാണ് സുപ്രിംകോടതി പരിഗണിക്കുക. സാമ്പത്തിക സംവരണം ഭരണഘടനയുടെ അടിസ്ഥാന തത്വങ്ങള്‍ക്ക് എതിരാണെന്ന് ചൂണ്ടിക്കാട്ടിയാണ് ഹരജി സമര്‍പ്പിച്ചിരിക്കുന്നത്. ഇത് നിലവില്‍ സംവരണത്തിന് അര്‍ഹരായവരുടെ അവകാശങ്ങള്‍ കവരുന്നതാണെന്നും ഹരജി ചൂണ്ടിക്കാട്ടുന്നു.