കൊല്ലം: യൂത്ത് കോണ്‍ഗ്രസ് സംസ്ഥാന പ്രസിഡന്റ് ഡീന്‍ കുര്യാക്കോസ് നയിക്കുന്ന യൂത്ത് മാര്‍ച്ച് ഇന്നു മുതല്‍ 23വരെ ജില്ലയില്‍ പര്യടനം നടത്തുമെന്ന്് യൂത്ത്് കോണ്‍ഗ്രസ് കൊല്ലം പാര്‍ലമെന്റ് കമ്മിറ്റി പ്രസിഡന്റ് എസ്.ജെ പ്രേംരാജ് അറിയിച്ചു. ഇന്ന് വൈകിട്ട് 5.30ന് കരുനാഗപ്പള്ളി മണ്ഡലത്തില്‍ മാര്‍ച്ച് പ്രവേശിക്കും. 6.30ന് ചവറയിലും നാളെ രാവിലെ 9ന് കുന്നത്തൂരിലും 11ന് കൊട്ടാരക്കരയിലും വൈകിട്ട് മൂന്നിന് പത്തനാപുരത്തും നാലിന് പുനലൂരും 5.30ന് കടയ്ക്കലിലും 7ന് കണ്ണനല്ലൂരിലും 8ന് കൊല്ലത്തും 23ന് രാവിലെ 9ന് കൊട്ടിയത്തും 11ന് പാരിപ്പള്ളിയിലും സ്വീകരണം നല്‍കും.
എ.ഐ.സി.സി ജനറല്‍ സെക്രട്ടറി കെ.സി വേണുഗോപാല്‍ എം.പി, കൊടിക്കുന്നില്‍ സുരേഷ് എം.പി, എം.എല്‍.എമാരായ ശബരീനാഥ്, വി.ടി ബല്‍റാം, കെ.പി.സി.സി ജനറല്‍ സെക്രട്ടറി ശൂരനാട് രാജശേഖരന്‍, ഡി.സി.സി പ്രസിഡന്റ് ബിന്ദുകൃഷ്ണ, കെ.പി.സി.സി സെക്രട്ടറി ഷാനവാസ് ഖാന്‍ സ്വീകരണയോഗങ്ങള്‍ ഉദ്ഘാടനം ചെയ്യും.