തെഹ്‌റാന്‍: തങ്ങളുടെ വ്യോമപരിധി യു.എസ് ഡ്രോണ്‍ ലംഘിച്ചതു ചൂണ്ടിക്കാട്ടി യു.എന്നിനു പരാതി നല്‍കിയതായി ഇറാന്‍. നേരത്തെ വ്യോമപരിധി ലംഘിച്ച ഡ്രോണ്‍ ഇറാന്‍ വെടിവച്ചു വീഴ്ത്തിയിരുന്നു.

ഇതിനെ തുടര്‍ന്ന് ഇറാനെ ആക്രമിക്കാന്‍ ഉത്തരവിട്ട ശേഷം പിന്‍വലിക്കുകയായിരുന്നെന്ന് ട്രംപ് അറിയിച്ചിരുന്നു. യു.എന്‍ രക്ഷാസമിതിക്കും യു.എന്‍ സെക്രട്ടറി ജനറലിനുമാണ് പരാതി നല്‍കിയിട്ടുള്ളത്. തങ്ങളുടെ വ്യോമപരിധി സംരക്ഷിക്കാന്‍ ഇറാന്‍ പ്രതിജ്ഞാബദ്ധമാണെന്നും ആരെങ്കിലും ലംഘിച്ചാല്‍ അവരെ നേരിടാന്‍ അവകാശമുണ്ടെന്നും പരാതിയില്‍ പറയുന്നു. ഹൊര്‍മുസ് കടലിടുക്കിനു സമീപം വ്യോമപരിധിയില്‍ ഈമാസമാദ്യം ഡ്രോണ്‍ വെടിവച്ചിട്ട കാര്യവും പരാതിയില്‍ സൂചിപ്പിക്കുന്നുണ്ട്. അതേസമയം വ്യോമപരിധി ലംഘിച്ചിട്ടില്ലെന്നാണ് യു.എസ് നിലപാട്.