മാഞ്ചസ്റ്റര്‍: ക്രിസ്റ്റല്‍ പാലസിന്റെ യുവ ഡിഫന്‍ഡര്‍ വാന്‍ ബിസാക മാഞ്ചസ്റ്റര്‍ യുനൈറ്റഡില്‍. 50 മില്യനോളം നല്‍കി അഞ്ച് വര്‍ഷത്തെ കരാറിലാണ് ആരോണ്‍ വാന്‍ ബിസാകയെ യുനൈറ്റഡ് ഓള്‍ഡ്ട്രാഫോഡില്‍ എത്തിച്ചത്. അന്റോണിയോ വലന്‍സിയക്ക് പകരക്കാരനായാണ് ബിസാകയുടെ വരവ്.
കഴിഞ്ഞ സീസണില്‍ ക്രിസ്റ്റല്‍ പാലസിനായി വാന്‍ ബിസാക നടത്തിയ പ്രകടനം എല്ലാവരെയും ഞെട്ടിച്ചിരുന്നു. ക്രിസ്റ്റല്‍ പാലസിന്റെ അക്കാദമി താരമാണ് ആരോണ്‍ വാന്‍ ബിസാക. 21കാരനായ ബിസാക 11 വയസു മുതല്‍ ക്രിസ്റ്റല്‍ പാലസ് അക്കാദമിയില്‍ ഉള്ള താരമാണ്. ഇംഗ്ലണ്ട് അണ്ടര്‍ 21 ടീമിലും മികച്ച പ്രകടനം നടത്തിയിരുന്നു.