ന്യൂഡല്‍ഹി: ഇന്ത്യന്‍ വനിതാ ക്രിക്കറ്റ് താരം ദീപ്തി ശര്‍മ വെസ്റ്റേണ്‍ സ്റ്റോമുമായി കരാറിലെത്തി. ഇംഗ്ലണ്ടില്‍ നടക്കുന്ന വനിതാ സൂപ്പര്‍ ലീഗിന്റെ പുതിയ പതിപ്പില്‍ താരം വെസ്റ്റേണ്‍ സ്റ്റോമിനു വേണ്ടി കളിക്കും.
ഇന്ത്യന്‍ സഹതാരം സ്മൃതി മന്ദാനയും വെസ്റ്റേണ്‍ സ്റ്റോമിന് വേണ്ടിയാണ് കളിയ്ക്കുന്നത്. 21 വയസുള്ള ദീപ്തി 2014ലാണ് ഇന്ത്യക്ക് വേണ്ടി അരങ്ങേറ്റം നടത്തിയത്. നിലവിലെ ഏകദിന റാങ്കിങ് പട്ടികയില്‍ ഓള്‍റൗണ്ടര്‍മാരില്‍ രണ്ടാം സ്ഥാനത്താണ് ദീപ്തി. 2016ല്‍ ടി20 അരങ്ങേറ്റം കുറിച്ച ദീപ്തി 30 അന്താരാഷ്ട്ര മത്സരങ്ങളില്‍ നിന്നായി 28 വിക്കറ്റുകള്‍ നേടിയിട്ടുണ്ട്. 48 ഏകദിനങ്ങളില്‍ ഇന്ത്യക്ക് വേണ്ടി കളിച്ച ദീപ്തി 56 വിക്കറ്റുകളും സ്വന്തമാക്കിയിട്ടുണ്ട്.