ചാലിയം: ഉമ്പിച്ചി ഹാജി ഹയര്‍ സെക്കന്‍ഡറി സ്‌കൂള്‍ എന്‍.എസ്.എസ്, സൗഹൃദ ക്ലബ്, ഭാരത് സ്‌കൗട്ട് യൂണിറ്റുകളുടെ സംയുക്ത ആഭിമുഖ്യത്തില്‍ പി.ബി .എം ഇംഗ്ലീഷ് സ്‌കൂളില്‍ നിന്ന് കളിപ്പാട്ടങ്ങള്‍ ശേഖരിച്ചു. ശേഖരിച്ച കളിപ്പാട്ടങ്ങള്‍ ചാലിയം നിര്‍ദേശ് ഡയരക്ടര്‍ ക്യാപ്റ്റന്‍ രമേഷ് ബാബു ഏറ്റു വാങ്ങി. പി.ബി.എം ഇംഗ്ലീഷ് സ്‌കൂള്‍ പ്രിന്‍സിപ്പല്‍ നന്ദിന ദേവി ടീച്ചര്‍ അധ്യക്ഷത വഹിച്ചു.ഉമ്പിച്ചി ഹാജി ഹയര്‍ സെക്കന്‍ഡറി പ്രിന്‍സിപ്പല്‍ എം.വി സൈദ് ഹിസാമുദ്ധീന്‍, എന്‍.എസ്.എസ് പ്രോഗ്രാം ഓഫിസര്‍ പി.അബ്ദു നസീര്‍, സൗഹൃദ ക്ലബ് കോഡിനേറ്റര്‍ പി.അഹമ്മദ് ബദര്‍, സ്‌കൗട്ട് മാസ്റ്റര്‍ പി.എം നൗഷാദ് എന്നിവര്‍ സംസാരിച്ചു. വി. തനീഷ സ്വാഗതവും പി.വി ഹംസ ശഹിം നന്ദിയും പറഞ്ഞു. സി.എസ് അശ്വിന്‍ കൃഷ്ണ, പി. വിനയ, പി. ഷംസീര്‍ അലി എന്നിവര്‍ കളിപ്പാട്ട ശേഖരണത്തിന് നേതൃത്വം നല്‍കി.