മുക്കം: അഗസ്ത്യന്‍മുഴി മുള്ളമ്പലത്ത്കണ്ടി അഖിലേഷ് ജീവനൊടുക്കിയ സംഭവത്തില്‍ സമഗ്ര അന്വേഷണം നടത്തണമെന്ന് ഡി.വൈ.എഫ്.ഐ നീലേശ്വരം മേഖലാ കമ്മിറ്റി ആവശ്യപ്പെട്ടു.
അഖിലേഷ് ആത്മഹത്യ ചെയ്യുന്നതിന് തലേ ദിവസം ഒരു പറ്റം ആളുകള്‍ സദാചാര പൊലിസ് ചമഞ്ഞ് മര്‍ദിച്ചതായും ഇതില്‍ മനംനൊന്താണ് ആത്മഹത്യ ചെയ്തതെന്നും ഇതില്‍ നടപടി വേണമെന്നും ആവശ്യപ്പെട്ട് അഖിലേഷിന്റെ പിതാവ് അച്ചുതന്‍ താമരശ്ശേരി ഡി.വൈ.എസ്.പിക്ക് പരാതി നല്‍കിയിട്ടുണ്ട്. നിഷ്പക്ഷമായ അന്വേഷണം നടത്തിയിട്ടില്ലെങ്കില്‍ പ്രത്യക്ഷ സമരങ്ങള്‍ക്ക് നേതൃത്വം നല്‍കുമെന്നും ഡി.വൈ.എഫ്.ഐ മേഖലാ കമ്മിറ്റി അറിയിച്ചു.