വെങ്ങപ്പള്ളി: ഈ വര്‍ഷം ഹജ്ജിനു പോകുന്നവര്‍ക്കായി ഓഗസ്റ്റ് ഒന്നിന് ശംസുല്‍ ഉലമാ ഇസ്‌ലാമിക് അക്കാദമിയില്‍ ഹജ്ജ് പഠന ക്യാംപ് നടക്കും. കേരള ഹജ്ജ് കമ്മിറ്റി ചെയര്‍മാന്‍ കോട്ടുമല ടി.എം ബാപ്പു മുസ്‌ലിയാര്‍ ഉദ്ഘാടനം ചെയ്യും. സമസ്ത ജില്ലാ പ്രസിഡന്റ് കെ.ടി ഹംസ മുസ്‌ലിയാര്‍ അധ്യക്ഷനാകും. അബ്ദുസ്സമദ് പൂക്കോട്ടൂര്‍ ക്യാംപിന് നേതൃത്വം നല്‍കും. സമസ്ത മുശാവറ അംഗം വി മൂസക്കോയ മുസ്‌ലിയാര്‍, ടി.സി അലി മുസ്‌ലിയാര്‍, പിണങ്ങോട് അബൂബക്കര്‍ ഹാജി, എം.എം ഇമ്പിച്ചിക്കോയ മുസ്‌ലിയാര്‍, ശൗക്കത്തലി വെള്ളമുണ്ട എന്നിവര്‍ സംബന്ധിക്കും. ഹജ്ജിനു പോവുന്ന അഞ്ഞൂറോളം ആളുകള്‍ ക്യാംപില്‍ പങ്കെടുക്കും.