വൈത്തിരി: വൈത്തിരി പ്രാഥമിക സഹകരണ കാര്‍ഷിക ഗ്രാമവികസന ബാങ്ക് ജീവനക്കാരുടെ ശമ്പളവും ദുരിതാശ്വാസ നിധിയിലേയ്ക്ക്.
ബാങ്ക് ജനറല്‍ ബോഡിയിലാണ് മുഖ്യമന്ത്രിയുടെ ദുരിതാശ്വാസ നിധിയിലേയ്ക്ക് മുഴുവന്‍ ജീവനക്കാരുടേയും ഒരു മാസത്തെ ശമ്പളം നല്‍കാന്‍ തീരുമാനിച്ചകാര്യം പ്രസിഡന്റ് അറിയിച്ചത്.
കാര്‍ഷിക കടാശ്വാസമായി അനുവദിക്കുന്നതിലൂടെ ബാങ്കിന് വരുന്ന നഷ്ടം ആനുപാതികമായി കേരള സംസ്ഥാന സഹകരണ കാര്‍ഷിക ഗ്രാമ വികസന ബാങ്ക് വഹിക്കണമെന്ന് പ്രമേയം യോഗം അവതരിപ്പിച്ചു. പ്രസിഡന്റ് പി.എ മുഹമ്മദ് അധ്യക്ഷനായി. വൈസ് പ്രസിഡന്റ് സ്റ്റാന്‍ലി സെബാസ്റ്റ്യന്‍, ഡയരക്ടര്‍മാരായ വി.പി ശങ്കരന്‍ നമ്പ്യാര്‍, അശോക് കുമാര്‍ സംസാരിച്ചു.