മക്ക: വിദേശത്ത് നിന്ന് ഉംറ നിർവ്വഹിക്കാനെത്തുന്ന തീർഥാടർക്കുള്ള പ്രായ പരിധി ഹജ്ജ് ഉംറ മന്ത്രാലയം വ്യക്തമാക്കി. പതിനെട്ടു മുതൽ അമ്പതു വരെ വയസ് പ്രായമുള്ളവർക്ക് മാത്രമാണ് ഉംറ അനുമതി നൽകുകയെന്ന് മന്ത്രാലയം അറിയിച്ചു.  പ്രായപരിധി വ്യവസ്ഥയിൽനിന്ന് ഗൾഫ് പൗരന്മാരെ ഒഴിവാക്കിയിട്ടുണ്ടെന്നും ഹജ്, ഉംറ മന്ത്രാലയം അറിയിച്ചു.

    കൊവിഡ് വൈറസ് വ്യാപന പശ്ചാത്തലത്തിൽ ഏർപ്പെടുത്തിയ നിയന്ത്രണങ്ങളുടെ പശ്ചാത്തലത്തിലാണ് പതിനെട്ടു മുതൽ അമ്പതു വരെ വയസ് പ്രായമുള്ളവർക്ക് മാത്രമായി അനുമതി നൽകാനുള്ള തീരുമാനം.