മധുര: കഴിഞ്ഞ മെയ് ഏഴിന് നടത്തിയ നീറ്റ് പരീക്ഷ റദ്ദാക്കണമെന്നാവശ്യപ്പെട്ട് ഒരുകൂട്ടം വിദ്യാര്‍ഥികള്‍ കോടതിയെ സമീപിച്ചു. പരീക്ഷക്കായി സി.ബി.എസ്.ഇ 10 ഭാഷകളിലായാണ് ചോദ്യപേപ്പര്‍ തയാറാക്കിയത്. പൊതുവായ രീതിയിലുള്ള ചോദ്യപേപ്പര്‍ തയാറാക്കിയാണ് പരീക്ഷ നടത്തേണ്ടതെന്നാവശ്യപ്പെട്ടാണ് മദ്രാസ് ഹൈക്കോടതിയുടെ മധുര ബെഞ്ചിനുമുന്‍പാകെ വിദ്യാര്‍ഥികള്‍ റിട്ട് ഹരജി നല്‍കിയിരിക്കുന്നത്.