ലഖ്‌നൗ: ബി.എസ്.പിയില്‍ നിന്ന് പുറത്താക്കപ്പെട്ട മുതിര്‍ന്ന നേതാവ് നസീമുദ്ദീന്‍ സിദ്ദീഖി പുതിയ രാഷ്ട്രീയ പാര്‍ട്ടി രൂപവത്കരിക്കാന്‍ നീക്കം തുടങ്ങി. ബി.എസ്.പിയിലെ വിമത നേതാക്കള്‍, തൊഴിലാളികള്‍ എന്നിവര്‍ ഇന്നലെ സിദ്ദീഖിയുടെ വീട്ടില്‍ യോഗം ചേര്‍ന്നു. മുന്‍മന്ത്രിമാര്‍ ഉള്‍പ്പെടെയുള്ള നിരവധിപേര്‍ പങ്കെടുത്ത യോഗത്തില്‍ പുതിയ രാഷ്ട്രീയ പാര്‍ട്ടി രൂപീകരിക്കാന്‍ ഏകകണ്ഠമായ തീരുമാനമെടുത്തു. പുതിയ പാര്‍ട്ടിയുടെ പേര് പ്രഖ്യാപിച്ചിട്ടില്ലെന്നും ബി.എസ്.പി ഉള്‍പ്പെടെയുള്ള പാര്‍ട്ടികളിലെ അസംതൃപ്തരെയെല്ലാം ഉള്‍ക്കൊള്ളിച്ചുകൊണ്ട് പുതിയ പാര്‍ട്ടിയുടെ പ്രഖ്യാപനം ഉടന്‍ നടത്തുമെന്ന് സിദ്ദീഖി വാര്‍ത്താ കുറിപ്പില്‍ അറിയിച്ചു.