കോട്ടയം: കോണ്‍ഗ്രസിനെ അപമാനിച്ച കെ.എം മാണിയെ മുന്നണിയിലേക്ക് തിരികെകൊണ്ടുവരാന്‍ ശ്രമിച്ചാല്‍ എതിര്‍ക്കുമെന്ന് യൂത്ത് കോണ്‍ഗ്രസ് സംസ്ഥാന പ്രസിഡന്റ് ഡീന്‍ കുര്യാക്കോസ്.
കോട്ടയത്ത് വാര്‍ത്താ സമ്മേളനത്തിലാണ് അദ്ദേഹം നിലപാട് വ്യക്തമാക്കിയത്. മാണിയെ തിരിച്ച് വിളിച്ച് പ്രവര്‍ത്തകരുടെ ആത്മവീര്യം തകര്‍ക്കരുതെന്നും അദ്ദേഹം വ്യക്തമാക്കി. പുകഞ്ഞകൊള്ളി പുറത്ത് തന്നെയെന്ന നിലപാടാണ് ഇക്കാര്യത്തില്‍ യൂത്ത് കോണ്‍ഗ്രസിന്റേതെന്ന് അദ്ദേഹം പറഞ്ഞു. കോണ്‍ഗ്രസിന് എന്നും തലവേദന മാത്രമാണ് കേരള കോണ്‍ഗ്രസ് നല്‍കിയിട്ടുള്ളത്.