കൊച്ചി: 'ആത്മവിശുദ്ധിക്ക് ഒരുമിച്ചിരിക്കാം' എന്ന പ്രമേയത്തില്‍ എസ്.കെ.എസ്.എസ്.എഫ് ഇബാദ് എറണാകുളം ആലുവ പൂക്കാട്ടുപടിയില്‍ സംഘടിപ്പിച്ച കേരള തസ്‌കിയത്ത് കോണ്‍ഫറന്‍സിന് സമാപനം. സമൂഹത്തില്‍ വര്‍ധിച്ചുവരുന്ന ലഹരിയുടെ വിപത്തിനെതിരേ പുതിയ പോരാട്ടത്തിന് പ്രതിജ്ഞയുമായാണ് തസ്‌കിയത്ത് കോണ്‍ഫറന്‍സ് സമാപിച്ചത്. ലഹരിക്കെതിരേ പ്രതിരോധം തീര്‍ക്കാന്‍ ഹെല്‍ത്ത് വളണ്ടിയേഴ്‌സിനെ മഹല്ലുതലങ്ങളില്‍ ഇബാദ് സജ്ജമാക്കി കൊണ്ടിരിക്കുന്നുണ്ട്. ഇതിനായി നൂതന കര്‍മപരിപാടികള്‍ക്ക് സമ്മേളനം രൂപം നല്‍കി.
സമാപന സംഗമം പാണക്കാട് സയ്യിദ് ഹമീദ് അലി ശിഹാബ് തങ്ങള്‍ ഉദ്ഘാടനം ചെയ്തു. വിവിധ സെഷനുകളില്‍ സയ്യിദ് ഫൈനാസ് അലി ശിഹാബ് തങ്ങള്‍, അലി തങ്ങള്‍ പേരാമ്പ്ര, ആസിഫ് ദാരിമി പുളിക്കല്‍, ഡോ.ശിഹാബ്, ഷാജിഹ് സമീര്‍ അസ്ഹരി, ഡോ. അഫ്‌സല്‍, ബക്കര്‍ ഹാജി, റഫീഖ് ചെന്നൈ, മുഹമ്മദ് മുഖ്താര്‍ ഫൈസി മണലിപ്പുഴ, സാലിം കാരക്കുന്ന്, നാസര്‍ രണ്ടത്താണി, സിയാദ് ഫൈസി, അബ്ദുല്‍ ഖാദര്‍ ഹുദവി, ബഷീര്‍ ഫൈസി, സിദ്ദീഖ് ഹാജി, അബ്ദുറഹ്മാന്‍, ഫൈസല്‍ കങ്ങരപടി, സിദ്ദീഖ് കുഴുവേലിപ്പടി, സിയാദ് ചെമ്പറക്കി സംസാരിച്ചു.