തിരുവല്ല: പൊലിസിന്റെ പ്രവര്‍ത്തനങ്ങള്‍ മാതൃകാപരമായിരിക്കണമെന്ന് മന്ത്രി എം.എം മണി.
പത്തനംതിട്ടയില്‍ കേരള പൊലിസ് അസോസിയേഷന്‍ ജില്ലാസമ്മേളനം ഉദ്ഘാടനം ചെയ്യുകയായിരുന്നു അദ്ദേഹം. പൊലിസുകാരുടെ അവകാശങ്ങള്‍ക്കായി ഡി.ജി.പിയെയും സര്‍ക്കാരിനെയും സമീപിക്കാം. പൊലിസുകാര്‍ക്കുണ്ടാകുന്ന പ്രശ്‌നങ്ങള്‍ ഉന്നയിക്കുന്നതിനായി ഒരുസംഘടന അത്യാവശ്യമായിരുന്നു. എന്നാല്‍, സംഘടന വേണ്ടെന്ന നിലപാടായിരുന്നു ചില കോണ്‍ഗ്രസ് നേതാക്കള്‍ക്കുണ്ടായിരുന്നത്. ഇതില്‍ നിന്ന് വ്യത്യസ്തമായി സംഘടന ആകാമെന്ന നിലപാടാണ് ഇടതുപക്ഷത്തിനുണ്ടായിരുന്നതെന്നും അദ്ദേഹം പറഞ്ഞു.