ചേളാരി: സമസ്ത കേരള ഇസ്‌ലാം മത വിദ്യഭ്യാസ ബോര്‍ഡിന്റെ ആഭിമുഖ്യത്തില്‍ മദ്‌റസകളും മറ്റ് മതവിദ്യാഭ്യാസ സ്ഥാപനങ്ങളും കേന്ദ്രീകരിച്ച് പ്രാര്‍ഥനാ ദിനം ആചരിച്ചു. സമസ്ത ഓണ്‍ലൈന്‍ മുഖേന സംഘടിപ്പിച്ച പരിപാടി പാണക്കാട് സയ്യിദ് ഹൈദരലി ശിഹാബ് തങ്ങള്‍ ഉല്‍ഘാടനം ചെയ്തു.
സമസ്ത കേരള ജംഇയ്യത്തുല്‍ ഉലമാ പ്രസിഡന്റ് സയ്യിദ് മുഹമ്മദ് ജിഫ്‌രി മുത്തുക്കോയ തങ്ങള്‍ പ്രാര്‍ഥനക്ക് നേതൃത്വം നല്‍കി.സമസ്ത കേരള ഇസ്‌ലാം മത വിദ്യാഭ്യാസ ബോര്‍ഡ് ജനറല്‍ സെക്രട്ടറി എം.ടി അബ്ദുല്ല മുസ്‌ലിയാര്‍ അധ്യക്ഷനായി. സമസ്ത ജനറല്‍ സെക്രട്ടറി പ്രൊഫ. കെ. ആലിക്കുട്ടി മുസ്‌ലിയാര്‍ മുഖ്യപ്രഭാഷണം നിര്‍വഹിച്ചു.എസ്.കെ.ജെ.എം.സി.സി പ്രസിഡന്റ് ഡോ.ബഹാഉദ്ദീന്‍ മുഹമ്മദ് നദ്‌വി, പുത്തനഴി മൊയ്തീന്‍ ഫൈസി, ഡോ. എന്‍.എ.എം അബ്ദുല്‍ ഖാദിര്‍, അബ്ദുസ്സമദ് പൂക്കോട്ടൂര്‍ സംസാരിച്ചു. വിദ്യാഭ്യാസ ബോര്‍ഡ് മാനേജര്‍ കെ.മോയിന്‍കുട്ടി മാസ്റ്റര്‍ സ്വാഗതം പറഞ്ഞു. എല്ലാ വര്‍ഷവും റബീഉല്‍ ആഖിര്‍ ആദ്യ ഞായറാഴ്ചയാണ് പ്രാര്‍ഥനാ ദിനം സംഘടിപ്പിച്ചു വരുന്നത്. കോവിഡ് പ്രോട്ടോക്കോള്‍ പാലിച്ചായിരുന്നു ഇത്തവണത്തെ പ്രാര്‍ഥനാ ദിനാചരണം. മണ്‍മറഞ്ഞ മഹത്തുക്കളെ അനുസ്മരിക്കുന്ന പ്രാര്‍ഥനാ സദസില്‍ മഹാമാരിയില്‍ നിന്നും മോചനത്തിനും രോഗശമനത്തിനുമായി പ്രാര്‍ഥന നടത്തി.
ചേളാരി സമസ്താലയത്തില്‍ നടന്ന പരിപാടിക്ക് സമസ്ത ജനറല്‍ സെക്രട്ടറി പ്രൊഫ. കെ. ആലിക്കുട്ടി മുസ്‌ലിയാര്‍ നേതൃത്വം നല്‍കി. എം.എ.ചേളാരി, കെ.മോയിന്‍കുട്ടി മാസ്റ്റര്‍ സംസാരിച്ചു.