ചേളാരി: സമസ്ത കേരള ജംഇയ്യത്തുല്‍ മുഅല്ലിമീന്‍ റെയ്ഞ്ച് സെക്രട്ടറിമാരുടെ സംസ്ഥാനതല സംഗമം ഒക്ടോബര്‍ മൂന്നിന് ബുധനാഴ്ച രാവിലെ 11 ന് ചേളാരി സമസ്താലയത്തില്‍ നടക്കും. സമസ്ത പ്രസിഡന്റ് സയ്യിദ് മുഹമ്മദ് ജിഫ്‌രി മുത്തുക്കോയ തങ്ങള്‍, ജന. സെക്രട്ടറി കെ. ആലിക്കുട്ടി മുസ്‌ലിയാര്‍, എം.ടി അബ്ദുല്ല മുസ്‌ലിയാര്‍, ഡോ.ബഹാഉദ്ദീന്‍ മുഹമ്മദ് നദ്‌വി എന്നിവര്‍ സംബന്ധിക്കും.
പൊതുപരീക്ഷയുടെ മാര്‍ക്ക് ലിസ്റ്റ്, പ്രളയക്കെടുതി ദുരിതാശ്വാസ ഫണ്ട് കൂപ്പണ്‍, സര്‍ക്കുലറുകള്‍ എന്നിവ വിതരണം ചെയ്യും. റെയ്ഞ്ച് സെക്രട്ടറിമാര്‍ കൃത്യസമയത്ത് സംഗമത്തില്‍ പങ്കെടുക്കണമെന്ന് സമസ്ത കേരള ഇസ്‌ലാം മത വിദ്യാഭ്യാസ ബോര്‍ഡ് ജന. സെക്രട്ടറി എം.ടി അബ്ദുല്ല മുസ്‌ലിയാര്‍ അറിയിച്ചു.