നരിക്കുനി: മടവൂര്‍ നോര്‍ത്ത് എ.എം.എല്‍.പി സ്‌കൂളില്‍ (മടവൂര്‍മുക്ക്) 'സ്‌നേഹപൂര്‍വം സുപ്രഭാതം' പദ്ധതിക്കു തുടക്കമായി. സ്‌കൂളിലെ പൂര്‍വ വിദ്യാര്‍ഥികളായ എന്‍.സി അബ്ദുല്‍ ലത്തീഫും ഷമീര്‍ വടക്കെയിലുമാണു പത്രം സ്‌പോണ്‍സര്‍ ചെയ്തത്.
സ്‌കൂള്‍ ലീഡര്‍ യു.പി റിസ്‌വ സിന്‍സാത്തിനു പത്രം കൈമാറി ഷമീര്‍ വടക്കെയില്‍ പദ്ധതി ഉദ്ഘാടനം ചെയ്തു. ചടങ്ങ് പഞ്ചായത്ത് പ്രസിഡന്റ് വി.സി അബ്ദുല്‍ ഹമീദ് മാസ്റ്റര്‍ ഉദ്ഘാടനം ചെയ്തു. വി. അബ്ദുസ്സലീം അധ്യക്ഷനായി. റിപ്പോര്‍ട്ടര്‍ എ.ടി മുഹമ്മദ് മാസ്റ്റര്‍ പദ്ധതി വിശദീകരിച്ചു. കെ.വി സൈനുദ്ദീന്‍, കെ. ജലീല്‍, സിദ്ദീഖ് മാസ്റ്റര്‍, ഷഹനാസ്, ത്വാഹിറ സംസാരിച്ചു.