മാനന്തവാടി: 600 ഗ്രാം കഞ്ചാവുമായി അറുപത്കാരന്‍ അറസ്റ്റില്‍.
കുഴിനിലം മന്ദന്‍കണ്ടി അബ്ദുല്ലയാണ് കഞ്ചാവുമായി അറസ്റ്റിലായത്.
മാനന്തവാടി ജെ.എസ്.പിക്ക് ലഭിച്ച സൂചനപ്രകാരം എസ്.പി സ്‌ക്വാഡ് അംഗങ്ങള്‍ മാനന്തവാടി അഡി.എസ്.ഐ അബ്ദുല്ലയുടെ നേതൃത്വത്തില്‍ നടത്തിയ പരിശോധനയിലാണ് പ്രതിയെ പിടികൂടിയത്.
ഇന്നലെ വൈകുന്നേരം കുഴിനിലം ടൗണില്‍ വച്ചാണ് പൊലിസ് ഇയാളെ കസ്റ്റഡിയിലെടുത്തത്. മാനന്തവാടിയിലും പരിസര പ്രദേശങ്ങളിലും യുവാക്കളെയും വിദ്യാര്‍ഥികളെയും കേന്ദ്രീകരിച്ച് കഞ്ചാവ് വില്‍പന നടത്തുന്ന വ്യക്തിയാണ് അബ്ദുല്ലയെന്ന് പൊലിസ് പറഞ്ഞു.