കോഴിക്കോട്: കോഴിക്കോട് സര്‍വിസ് സൊസൈറ്റിയുടെ ആഭിമുഖ്യത്തില്‍ സംഘടിപ്പിക്കുന്ന കോഴിക്കോട് ഹജ്ജ് ക്യാംപ് അടുത്ത മാസം രണ്ടിന് ചെറൂട്ടി റോഡിലുള്ള എം.എസ്.എസ് ഓഡിറ്റോറിയത്തില്‍ നടക്കും. ഡോ. എം.കെ മുനീര്‍ എം.എല്‍.എ ഉദ്ഘാടനം ചെയ്യും.
കോഴിക്കോട് ഖാസി മുഹമ്മദ് കോയ തങ്ങള്‍ ജമലുല്ലൈലി മുഖ്യാതിഥിയായിരിക്കും. രാവിലെ 9.30ന് ക്യാംപ് ആരംഭിക്കും. ക്യാംപിന്റെ വിജയത്തിനായി എന്‍ജിനീയര്‍ പി. മമ്മത്‌കോയ ചെയര്‍മാനും അഡ്വ. പി.എം ഹനീഫ് ജന. കണ്‍വീനറുമായി വിപുലമായ സ്വാഗതസംഘം രൂപീകരിച്ചു.