വളാഞ്ചേരി: കോട്ടപ്പുറം മഹല്ല് മുസ്‌ലിം ജമാഅത്ത് നൂറാം വാര്‍ഷികവും സ്മാരക കോംപ്ലക്‌സ് ഉദ്ഘാനവും ഇന്ന് വൈകിട്ട് 4.30ന് പാണക്കാട് ഹൈദരലി ശിഹാബ് തങ്ങള്‍ നിര്‍വഹിക്കും. ഇന്ത്യയില്‍ കോളജുകളില്‍ 51ാം സ്ഥാനം നേടിയ വളാഞ്ചേരി എം.ഇ.എസ് കോളജിന് ഉപഹാര സമര്‍പ്പണം, വിവിധ പരീക്ഷകളില്‍ ഉന്നതവിജയം നേടിയ മഹല്ലിലെ വിദ്യാര്‍ഥികളെയും 28 വര്‍ഷമായി മഹല്ലില്‍ മുഅദ്ദിനായി സേവനം അനുഷ്ഠിക്കുന്ന എം.പി അബ്ദുല്‍ മജീദ് മുസ്‌ലിയാരെയും ആദരിക്കും.നൂറാം വാര്‍ഷികത്തിന്റ ഭാഗമായി യുവജന വിദ്യാര്‍ഥി സംഗമം, വനിതാ സമ്മേളനം, പ്രവാസി സംഗമം, മഹല്ല്തല സംഗമം എന്നിവയും നടക്കും. സമാപന സമ്മേളനം ഡിസംബറില്‍ വിവിധ പരിപാടികളോടെ നടക്കും. മുഴുവന്‍ കുടുംബങ്ങളുടെയും സര്‍വേ പൂര്‍ത്തിയാക്കി മഹല്ലിനെ ഇ മഹല്‍ ആക്കാനുള്ള ശ്രമം ആരംഭിച്ചതായും എന്‍.അബൂബക്കര്‍ ഹാജി, പി.സൈയ്താലിക്കുട്ടി ഹാജി, ടി.പി അബൂബക്കര്‍ മാസ്റ്റര്‍, പി.ഹബീബ് റഹ്മാന്‍, പി.പി ഹമീദ് എന്നിവര്‍ വാര്‍ത്താസമ്മേളനത്തില്‍ അറിയിച്ചു.