'നാട്ടുനന്മ' സാരഥി സംഗമം നാളെകോഴിക്കോട്: എസ്.കെ.എസ്.എസ്.എഫ് ജില്ലാ കമ്മിറ്റി അബൂദബി കമ്മിറ്റിയുടെ സഹകരണത്തോടെ ഓഗസ്റ്റ് രണ്ടാംവാരം മുതല്‍ മഹല്ല് കേന്ദ്രീകരിച്ച് നടപ്പാക്കുന്ന 'നാട്ടുനന്മ' ത്രൈമാസ കാംപയിനിന്റെ ഭാഗമായി സംഘടിപ്പിക്കുന്ന സാരഥി സംഗമം നാളെ ഉച്ചയ്ക്ക് 2.30ന് കോഴിക്കോട് സുപ്രഭാതം ഓഡിറ്റോറിയത്തില്‍ നടക്കും. കോഴിക്കോട് ഖാസി സയ്യിദ് മുഹമ്മദ് കോയ തങ്ങള്‍ ജമലുല്ലൈലി, മുസ്തഫ മാസ്റ്റര്‍ മുണ്ടുപാറ, നജീബ് കാന്തപുരം, സലാം ഫൈസി മുക്കം, റഷീദ് ഫൈസി വെള്ളായിക്കോട്, കെ.എന്‍.എസ് മൗലവി, കുഞ്ഞാലന്‍കുട്ടി ഫൈസി, ഹാരിസ് ബാഖവി അബൂദബി, ആസിഫ് ദാരിമി പുളിക്കല്‍, റഷീദ് ബാഖവി മേലാറ്റൂര്‍, മുനീര്‍ ഹുദവി ചേലേമ്പ്ര സംബന്ധിക്കും. രാവിലെ 10.30ന് ആര്‍.പിമാര്‍ക്കുള്ള ശില്‍പശാലയും നടക്കും.
ജില്ലാ, ഏരിയാ ഭാരവാഹികള്‍, മേഖലാ, ക്ലസ്റ്റര്‍ പ്രസിഡന്റ്-സെക്രട്ടറിമാര്‍ സംഗമത്തില്‍ പങ്കെടുക്കണം.