ക്വലാലംപുര്‍: ഇന്ത്യന്‍ ഗോള്‍കീപ്പര്‍ നീരജ് കുമാറിന്റെ തകര്‍പ്പന്‍ പ്രകടനത്തില്‍ ഇന്ത്യ കരുത്തരായ ഇറാനെ സമനിലയില്‍ തളച്ചു. ഇന്ത്യയുടെ ഗ്രൂപ്പിലെ രണ്ടണ്ടാം മത്സരമായിരുന്നു ഇന്ന്. ഇറാന്‍ ആക്രമണത്തെ മികച്ച രീതിയില്‍ പ്രതിരോധിച്ച ഇന്ത്യ മത്സരം ഗോള്‍രഹിതമായി അവസാനിപ്പിക്കുകയായിരുന്നു. ഒരു പെനാല്‍റ്റി സേവ് ചെയ്ത് കളിയിലെ രക്ഷകനായി മാറിയത് ഇന്ത്യന്‍ ഗോള്‍കീപ്പര്‍ നീരജ് കുമാര്‍ ആണ്.
കളിയുടെ 72ാം മിനുട്ടില്‍ ആയിരുന്നു ഇറാന് പെനാല്‍ട്ടി ലഭിച്ചത്. മികച്ചൊരു സേവിലൂടെ നീരജ് പെനാല്‍റ്റി വലയിലെത്താതെ തടഞ്ഞിടുകയായിരുന്നു. മത്സരത്തില്‍ ഉടനീളം നീരജ് മികച്ചു നിന്നിരുന്നു. ഇന്നത്തെ സമനിലയോടെ ഇന്ത്യക്ക് രണ്ടണ്ട് മത്സരങ്ങളില്‍ നിന്നായി നാലു പോയന്റായി. രണ്ടണ്ട് മത്സരങ്ങളില്‍ നിന്ന് നാലു പോയന്റുമായി ഇന്ത്യ ഇപ്പോള്‍ ഗ്രൂപ്പില്‍ ഒന്നാം സ്ഥാനത്താണ്.